2748 கிராம உதவியாளர் காலி பணியிடங்களை உடனே நிரப்ப அரசு உத்தரவு

இந்த அறிவிப்பு அதிகாரப்பூர்வமாக செய்தித்தாளில் வெளியாகி உள்ளது, அது சம்பந்தமான தகவல்களை கீழே நீங்கள் நேரடியாக பார்க்க முடியும், அதிகப்படியான காலிப்பணியிடங்கள் இருப்பதால் அவற்றை உடனே நிரப்புவதற்கான நடவடிக்கைகளை அரசின் வழிகாட்டுதல் மற்றும் அறிவுரைகளின் படி பின்பற்றி எடுக்கப்படும் என்றும் தெரியவருகிறது.

இதற்காக வட்டாட்சியர் அளவில் அக்டோபர் 10ஆம் தேதியன்று விளம்பரம் செய்ய வேண்டும், மற்றும் விண்ணப்பம் அளிக்க இறுதி நாளாக நவம்பர் 7ஆம் தேதி என்றும், அதே சமயம் விண்ணப்பங்களை பரிசீலிப்பதற்கான இறுதி நாள் நவம்பர் 14ஆம் தேதி ஆகவும் நிர்ணயிக்க வேண்டும் என்று அந்த அறிவிப்பில் கூறப்பட்டுள்ளது.

மேலும் விண்ணப்பதாரர்களுக்கான எழுத்து தேர்வு நவம்பர் 30-ஆம் தேதி நடக்கும், நேர்காணல் டிசம்பர் 15ஆம் தேதியும் மற்றும் 16-ம் தேதியும் நடத்தப்பட வேண்டும் என்று அந்த அறிவிப்பின் மூலம் அறிவுறுத்தப்பட்டுள்ளது.

தேர்வு செய்யப்பட்ட நபர்களுக்கான பணி நியமன உத்தரவுகளை வரும் டிசம்பர் மாதம் 19ஆம் தேதிக்கு அதற்குள் வழங்கப்படும் என்றும் கூறப்பட்டுள்ளது, இது கடந்த ஆண்டு அக்டோபர் 17ஆம் தேதி வெளியிடப்பட்ட வருவாய்துறை அரசாணையின் அடிப்படையில் பின்பற்ற வேண்டும் என்றும் கூறப்பட்டுள்ளது.

எழுத்துத் தேர்வை பொறுத்தவரை 100 வார்த்தைகளுக்கு மிகையாகாத வகையில் கிராமங்களை குறித்த தகவல்கள், நில வகைப்பாடு, கிராம கணக்குகள் போன்ற விஷயங்கள் அடங்கும்.

எனவே இந்த விஷயத்திற்கு உங்களை தயார்படுத்திக் கொள்ளுங்கள், குறிப்பாக இந்த தேர்வில் இட ஒதுக்கீடு காண விதிகள் கவனமாக பின்பற்றப்படும் என்றும் எதிர்பார்க்கப்படுகிறது.

ஆகையால் கிராம உதவியாளர் தேர்வுக்கான அனைத்து நடைமுறைகளையும், உரிய அறிவுறுத்தலையும் மாவட்ட ஆட்சியர் அவர்கள் வழங்குவார் என்று எதிர்பார்க்கப்படுகிறது. இது சம்பந்தமான தெளிவான விளக்கத்தை தனது கடிதத்தில் வருவாய் நிர்வாக ஆணையர் எஸ்.கே பிரபாகரன் கூறியுள்ளார்.